مقدمة
في المقال ده هنشرح كيفية التسجيل في بوابة مصر الرقمية.
بوابة مصر الرقمية هي منصة الكترونية حكومية أطلقتها الحكومة المصرية.
تختص بالخدمات الالكترونية.
بتقدر إن أنت تستعلم فيها عن خدمات تتعلق بالتموين - خدمات تتعلق بالمرور - خدمات تتعلق بالاحوال الشخصية - خدمات تتعلق بالأحوال المدنية والتأمين الاجتماعي والتوثيق والكثير من الخدمات الحكومية.
تقدر تستكشف كل الخدمات دى بعد ما تسجل في المنصة (منصة مصر الرقمية.
التسجيل على المنصة خطوة بخطوة
دلوقتي ازاي تسجل حساب في منصة مصر الرقمية.
بيوجهك اللينك الى منصة مصر الرقمية.
بتلاقي واجهة زي دي كده بالزبط
بتقدر ان انت تضغط على كلمة افتح حساب او سجل الدخول.
احيانا الموقع ما بيحملش بالشكل الكامل حاول في وقت لاحق وإن شاء الله يشتغل معاك لان بيبقى فيه تصليحات من وقت للتانى لان فيه خدمات جديدة بتتضاف كل يوم عليه.
بتلاقي واجهة زي الصورة السابقة بتضغط على افتح حساب جديد.
اول حاجة بيحتاج منك رقم موبايل ورقم البطاقة الشخصية تكون سارية.
بتضغط على تحقق من الرقم القومي.
بتكتب رقمك القومي المكون من 14 رقم. رقم البطاقة.
بتكتب رقم المصنع يعني ايه رقم المصنع? تضغط على ما هو رقم المصنع بيظهر لك صورة كده بيقول لك ان رقم المصنع هو الرقم الموجود في الجزء ده من البطاقة الشخصية.
زى ماهو موضح بالصورة دى بالظبط هو ده رقم المصنع
وبعد كده بيطلب منك اسم الوالدة. الاسم الاول للوالدة (اسم الام)
وبعد كده بتقول له تحقق. بعد كده بتدخل رقم
الموبايل اللى مكتوب باسمك
بعد كده بتقول له تحقق.
فهو عنده قاعدة بيانات بتطابق المواضيع ببعضها فاكتشف ان رقم موبايلى مكتوب باسمي
هو عرف ازاى ان الموبايل ده باسمى ببساطه لاننا لسه مدخلين رقم البطاقة بتاعتنا
بعد ما كتبت رقم موبايل مكتوب باسمي او مكتوب بالبطاقة اللي انا اديتها له. بقول له باضغط على تحقق.
عملية قبول رقم الموبايل لانه قاعدة البيانات اكتشف ان رقم البطاقة ده فعلا مربوط بالبطاقة دي.
رقم الموبايل مكتوب بالبطاقة دي. دلوقتي وابعت لي رسالة فيها كود
. بعدين بعد ما جابت الرقم اضغط عليها تحقق.
هنا بيطلب مني اكتب كلمة مرور.
كلمة المرور لازم تكون قوية مكونة من حروف طبعا بالانجليزي مكونة على الاقل حرف كابيتال من ارقام مكونة من رموز.
هوضح لك بالمثال الحي ازاي تكتب كلمة مرور.
مثلا
كلمة المرور ممكن تكون زى ده
Mohamed@2022
او
ممكن انك تقول له اقترح كلمة مرور قوية لكن انا مش بحب الموضوع ده لان هو بيقترح
كلمة مرور.قوية جدا وصعبة انك تحفظها
انت اكتب كلمة مرور وسجلها في ورقة او على نوتة الموبايل.
نكتب البيانات ونرجع. واخيرا بتكتب بريد الكتروني.
ويفضل اه يكون ايميل او بريد الكتروني بتقدر ان انت تدخل عليه يعني او تستخدمه. بعد كده بتقول له اتمام التسجيل.
نعم لقد انشأت حسابك بنجاح سيتم تحويلك الان.
طبعا بتدخل رقم موبايلك آآ هو دلوقتي حولني لصفحة تسجيل الدخول. تمام.
بكتب انا بقى هنا ايه? بكتب رقم موبايلي اللي انا سجلت به. بكتب هنا كلمة المرور اللي انا لسه كاتبها.
بعد ما كتبت البيانات بضغط على تسجيل الدخول. وبالفعل تم تسجيل الدخول وده حسابي اهلا محمد.
الخدمات المتاحة بالمنصة
اه بتصفح الخدمات بشوف الخدمات
خدمات الاحوال المدنية
كل ما يخص شهادات الميلاد والبطاقة وشهادات الوفاة. بدل تالف بدل فاقد اصدار شهادة ميلاد اصدار شهادة وفاة اصدار قسيمة جواز. اصدار قسيمة طلاق. ده بالنسبة للاحوال المدنية.
خدمات التموين
بطاقة تموين اصدار بدل تالف اصدار بطاقة تموين جديدة. الخدمات اللي هي مش زاهرة قوي او مش واضحة زي الخدمة اللي فوقها دي. زي مسلا تمويل الخدمة تحس انها مطفية شوية. ده بسبب ان الخدمة لسه لم يتم تفعيلها. اما باقي الخدمات فهي تم تفعيلها على خدمة طبعا اضافة الابناء واضافة صرف تموين واضافة الزوجة واصدار بطاقة تموين جديدة.
خدمة الاحوال الشخصية
في خدمات كتيرة طبعا تتعلق بالاحوال الشخصية بالسيارات الشهر العقاري الاسكان الاجتماعي رخص السجل التجاري المحاكم الضرايب خدمات القضايا التأمين الاجتماعي طبعا كل واحد بيهمه موضوعه. فكل واحد ادرى باللي بيبحث عنه. وبكده يكون الشرح انتهى وانتهينا من شرح كيفية تسجيل الدخول على او تسجيل حساب في منصة مصر الرقمية
تعليقات
إرسال تعليق
أترك تعليقاً لانه يحمسنا جدا..